Санхүүгийн зохицуулах хороо, Монголын хөрөнгийн бирж, Монголын үнэт цаасны арилжаа эрхлэгчдийн холбоо болон ЖАЙКА /Japan Internatoinal Cooperation Agency/ хамтран “Нэг зорилго - Нэгдсэн шийдэл” сэдэвт нээлттэй хэлэлцүүлгийг 2016 оны 10 дугаар сарын 26-ны өдөр Төрийн ордны “Их танхим”-д зохион байгуулахаар боллоо.

Энэхүү хэлэлцүүлгээр Үнэт цаасны зах зээлийн мэргэжлийн оролцогчид, үнэт цаас гаргагчид, хөрөнгө оруулагчдад тулгамдаж буй асуудал, өнөөгийн эдийн засгийн хүндрэлтэй нөхцөл байдлаас гарахад үнэт цаасны зах зээлийн оролцоо, түүний ач холбогдлын талаар хамтран хэлэлцэж, шинээр сонгогдсон УИХ-ын бүрэлдэхүүн, Засгийн газар, холбогдох албаныханд санаа хүргэх зорилготой юм.

Энэхүү хэлэлцүүлэг нь үнэ төлбөргүй ба оролцохыг хүссэн хувь хүн, албан байгууллагууд 2016 оны 10 дугаар сарын 20-ны өдрийн дотор дараах  линкээр орж бүртгүүлнэ үү. www.masd.mn/forum/

Хөтөлбөрийг энд дарж үзнэ үү.

МОНГОЛЫН ХӨРӨНГИЙН БИРЖ