Монголын хөрөнгийн биржийн 1-р ангилалд бүртгэлтэй “Сүү” ХК хагас жилийн санхүү, үйл ажиллагааны тайлангаа олон нийтэд нээлттэй тайлагналаа.
Тус компани 2016 оны эхний хагас жилд 1,6 тэрбум төгрөгийн цэвэр ашигтай ажилласан нь өмнөх оны мөн үеэс 102.5 хувиар өссөн үзүүлэлт юм. Ашигт ажиллагааны хувь нэмэгдэхэд цөцгийтэй тарагны савлагааг сайжруулах, элекстер савлах шугамыг шинэчилж, авто паркыг өргөтгөх зэрэг техник технологийн томоохон хөрөнгө оруулалт бүхий ажлуудыг хийж нэгж бүтээгдэхүүнд ноогдох зардлыг буурлуулсан нь голлох нөлөөллийг үзүүлсэн байна.
“Сүү” ХК үйлдвэрлэл үйл ажиллагаагаа нэмэгдүүлэхээс гадна компанийн засаглал, хувьцааны хөрөнгийн зах зээлд чөлөөтэй арилжаалагдах нөхцөлд анхааран хувьцаагаа хуваасан нь хувьцааны хөрвөх чадварыг нэмэгдүүлснээс гадна компанийн зах зээлийн үнэлгээг 50 орчим хувиар өсгөөд байна.
МОНГОЛЫН ХӨРӨНГИЙН БИРЖ