Монгол Улсын Их Хурлаас иргэн бүрт “Эрдэнэс тавантолгой” ХК-ийн хувьцаанаас 536 ширхгийг үнэгүй эзэмшүүлэх шийдвэр гаргаад буй билээ. Тэгвэл энэхүү ажлын бэлтгэл ажил хэрхэн хангагдаж буй талаар болон Лондонгийн Хөрөнгийн Биржтэй хамтран ажиллаx менежментийн гэрээ байгуулахаар төлөвлөж буй ажлын явцтай танилцахаар УИХ-ын дарга Д.Дэмбэрэл, УИХ-ын гишүүн Р.Буд, Н.Ганбямба, Ц.Баярсайхан нар болон холбогдох албаны хүмүүс өнөөдөр МХБ-д ажиллаж, ажил хэргийн уулзалт, ярилцлага хийлээ. Уулзалтанд Сангийн дэд сайд Ч.Ганхуяг, ТӨХ-ны дарга Д.Сугар, СЗХ-ны дарга Д.Баярсайхан, МХБ-ийн Гүйцэтгэх захирлын үүрэг гүйцэтгэгч Х.Алтай, ҮЦТТТХТ-ийн Гүйцэтгэх захирал Т.Гандулам нарын албан тушаалтнууд оролцсон байна. Уулзалтын үеэр үнэт цаасны зах зээлийн зохицуулах байгууллагын удирдлага болон мэргэжлийн байгууллагуудын удирдлагууд мэдээлэл хийсэн бөгөөд УИХ-ын дарга Д.Дэмбэрэл “Эрдэнэс Тавантолгой” ХК-ийн хувьцааг үнэгүй эзэмшүүлэх ажлын бэлтгэлийг эрчимтэй хангахыг үүрэг болгооод төрийн зүгээс үнэт цаасны зах зээлийг дэмжиж ажиллахаа илэрхийллээ.