Санхүүгийн зохицуулах хорооноос зохион байгуулсан “хөрөнгийн зах зээлийн зохицуулалтын орчны шинэчлэл” сэдэвт семинар Монголын хөрөнгийн биржийн гишүүн үнэт цаасны компаниудад зориулан 2015 оны 6 дугаар сарын 25-ны өдөр хөрөнгийн биржид амжилттай, үр дүнтэй явагдлаа.

Уг семинарт СЗХ, ҮЦТТТХТ-ийн удирдлагууд болон МХБ-ийн Гүйцэтгэх захирлын үүрэг гүйцэтгэгч Д.Ангар нар зохицуулалтын орчны шинэчлэлийн талаар танилцуулж, үнэт цаасны компаниуд болон арилжаа эрхлэгчдийн холбоотой харилцан санал солилцлоо.

Түүнчлэн зах зээлд оролцогч байгууллагууд тус бүр дээр үүсэж буй асуудлуудыг тусгайлан хэлэлцсэн бөгөөд МХБ-ийн үйл ажиллагаанд ямар нэгэн асуудалгүй гэдэгт санал нэгдэж, МХБ-ийн зүгээс Back office-ийн холболтын хураамжгүй болгож зах зээлд оролцогчдоо дэмжихээр боллоо.

Мөн МХБ, ҮЦТТТХТ, үнэт цаасны арилжаа эрхлэгчдийн холбоо болон үнэт цаасны компаниуд өөрсдийн үүсээд буй асуудлыг 9 дүгээр сарын 1-ний дотор СЗХ-оор шийдвэрлүүлэхээр ажлын хэсэг байгуулан ажиллаж хоорондын уялдаа холбоогоо сайжруулахаар боллоо.

  

 

 

 

  

 

 

Маркетинг Олон нийттэй харилцах алба

МОНГОЛЫН ХӨРӨНГИЙН БИРЖ