Санхүүгийн зохицуулах хорооны 2015 оны 162 тоот тогтоол, Монголын Хөрөнгийн биржийн Компанийн дүрмийн 8 дугаар зүйлийн 8.10.11 дэх заалт, “Бүртгэлийн журам”-ын  20 дугаар зүйлийн 20.3 дахь заалт, “Баянбогд” ХК-ийн 2015 оны 5 дугаар сарын 20-ны өдрийн 5/02 тоот албан бичгээр ирүүлсэн хүсэлтийн дагуу хийсэн бүртгэлийн шалгалтын тайлан,  Захирлын зөвлөлийн 2015 оны 6 дугаар сарын 18-ны өдрийн санал дүгнэлтийг үндэслэн “Баянбогд” ХК-ийн гаргасан нийт 97,607  ширхэг хувьцааг тус компанид нэгдэж буй “Стандарт проперти групп” ХХК-ийн хөрөнгөнд ногдох 1,530,200 ширхэг энгийн хувьцаагаар нэмэгдүүлэн хувьцааны тоог 1,627,807 ширхэг болгож, компанийн оноосон нэрийг “Стандарт проперти групп” ХК болгон “Монголын Хөрөнгийн Бирж” ТӨХК-ийн үнэт цаасны бүртгэлд өөрчлөлт орууллаа.  

Маркетинг Олон Нийттэй Харилцах алба
МОНГОЛЫН ХӨРӨНГИЙН БИРЖ