Хөрөнгийн зах зээл дэх олон нийтийн оролцоог нэмэгдүүлэх зорилгоор Засгийн газрын  урт хугацаат үнэт цаас буюу 3 болон 5 жилийн хугацаатай бондыг Монголын Хөрөнгийн биржээр арилжихаар Сангийн яамнаас шийдвэрлэсэн билээ.
Урт болон богино хугацааны ЗГҮЦ-ны захиалгыг хуанлийн 6 хоногийн турш авах бөгөөд 6 дахь хоногийн 11:00 цагт захиалгыг хаана.

Урт хугацаат ЗГҮЦ-ны купоны төлбөр нь жил бүрийн 2 дугаар сарын 15 болон 8 дугаар сарын 15, эсхүл 5 дугаар сарын 15 болон 11 дүгээр сарын 15-ны өдрүүдэд хийгдэх болно. 

Цаашид өрсөлдөөнт горимын болон инфляцаас хамгаалагдсан урт хугацаат бондыг дотоодын хөрөнгийн зах зээлд нэвтрүүлэх боломжийг судалж байна.

 

 

  Маркетинг олон нийттэй харилцах алба

МОНГОЛЫН ХӨРӨНГИЙН БИРЖ