“Монголын хөрөнгийн бирж” ТӨХК, Компанийн засаглалын үндэсний зөвлөл, Санхүүгийн зохицуулах хороо, Олон улсын санхүүгийн корпораци/IFC/ хамтран “Хувьцаа эзэмшигчдийн хурал ба эрх” сэдвээр онол практикийн бага хурлыг 2015 оны 3 дугаар сарын 27-ны өдрийн 09.30-13.00 цагийн хооронд Blue sky зочид буудлын 3 давхрын хурлын танхимд зохион байгуулна.

 

Энэхүү арга хэмжээнд “Монголын хөрөнгийн бирж” ТӨХК, “ҮЦТТТХТ” ТӨХХК, МҮЦАЭХ, хувьцаат компаниудын төлөөлөн удирдах зөвлөлийн дарга, нарийн бичгийн дарга, үнэт цаасны мэргэжлийн оролцогч компаниуд болон хувьцаа эзэмшигчдийн төлөөлөл оролцох бөгөөд хувьцаа эзэмшигчдийн эрх, биржийн бүртгэлийн шаардлага, үнэт цаас гаргагчийн мэдээллийн ил тод байдал зэрэг сэдвүүдээр илтгэлүүд тавигдаж, улмаар хэлэлцүүлэг өрнөх юм.

 

Уг арга хэмжээний хөтөлбөрийг энд дарж үзнэ үү.

 

Маркетинг Олон нийттэй харилцах алба

МОНГОЛЫН ХӨРӨНГИЙН БИРЖ