“Бэрх Уул” ХК (МХБ: BEU) нь Дэлгэрхаанд байрлах жоншны орд газартаа 1,700 метрийн гүний багц өрөмдлөгүүдийг амжилттай хийж дуусгаснаа зарлаж байна. Уг өрөмдлөгүүд нь өмнөх тооцооллуудыг баталгаажуулах, АМГ-т нөөцөө бүртгүүлэхэд зориулагдсан бөгөөд эдгээр тооцоо, судалгаанууд нь эрдэс баялагийн тайлангаа NI 43-101 стандартын дагуу бэлтгэхэд хэрэглэгдэх юм. 1960-аад онд Орос мэргэжилтнүүдийн өрөмдлөг хийж байсан талбайд уг өрөмдлөгүүдийг хийсэн байна. АМГ-т хүргэгдэх эрдэс баялгийн тайланг дотоодын компани боловсруулж байгаа бол NI 43–101 тайланг гаргахад Австрали төвтэй, олборлолтын зөвлөх Майкромайн компани оролцож байгаа юм. Компанийн удирдлагууд уг тайлан нь өмнө тогтоогдсон нөөцийн хэмжээтэй ойролцоо гарах болов уу хэмээн таамаглаж байна. “Бэрх Уул” ХК нь Монголын Хөрөнгийн Биржийн ТОП-20 индекст багтдаг юм. “Бэрх Уул” ХК-ийг Нью-Йоркт төвтэй, Hedge fund болон Private Equity Fund-ийг удирддаг Firebird Management компанийн охин компани удирддаг бөгөөд үндсэн нөөц нь Дэлгэрхаанд байрлах жоншны орд юм. Дэлгэрэнгүй мэдээлэлийг Гүйцэтгэх Захирал Б.Мэндсайхан /mendsaikhan@berkhuul.com/ болон Санхүүгийн Албаны дарга Бенжамин Коатсоос /bcoats@berkhuul.com/авна уу.