2026 оны 9 дүгээр сарын 15-ны өдөр энгийн арилжаагаар 48 хувьцаат компанийн 713,238,770 төгрөгийн үнийн дүн бүхий 965,525 ширхэг хувьцаа арилжаалагдсанаас 24 компанийн хувьцааны ханш өсч, 20 компанийн хувьцааны ханш буурсан бол 4 компанийн ханш тогтвортой байлаа.

Үүнээс Тээвэр дархан ХК (TEE +14.99%), Хөсөг трейд ХК (HSG +14.87), Крипто Үндэстэн ХК (CNF +9.82) зэрэг компаниудын хувьцааны ханш хамгийн өндөр өсөлттэй байсан бол Тэнгэрлиг медиа групп ХК (TNGR -10.33), Монгол Базальт ХК (MBW -4.19), Эрдэнэс сольюшинс ХК (AMT -4.05)-ийн хувьцаа хамгийн их уналттай байв.

Мөн өнөөдрийн үнэт цаасны арилжаагаар: 

• Хөрөнгө оруулалтын 4 сангийн 30,873 ширхэг нэгж эрх 35,370,139.26 төгрөгөөр,

• Хөрөнгөөр баталгаажсан 1,082 ширхэг үнэт цаас 82,400,500 төгрөгөөр,

• Компанийн бондын хоёрдогч зах зээлийн арилжаанд 2,105 ширхэг үнэт цаас 210,500,000 төгрөгөөр,

• Компанийн бондын хоёрдогч зах зээлийн арилжаанд 180 ширхэг үнэт цаас 18,000.00 ам.доллар (64,720,980₮)-оор,

• Багцын арилжаагаар 492,450 ширхэг үнэт цаас 334,866,000 төгрөгөөр тус тус арилжигдсан байна.  

Уул уурхайн бүтээгдэхүүний арилжаагаар:

• "Эрдэнэс Тавантолгой" ХК-ийн 40 багц 256,000 тонн Эрчим хүчний нүүрс /Битумт, үл барьцалдах нүүрс/ 20,403,200 ам.доллар буюу 73,361,949,952 төгрөгөөр арилжаалагдсан байна.

Энэ өдөр нийт 74,803,046,341 төгрөгийн үнийн дүн бүхий арилжаа зохион байгуулав.

ТOП-20 индекс 0.69%-иар өсч, 63,591.52 нэгж болсон бол зах зээлийн үнэлгээ 15,882,822,113,873 төгрөг боллоо. 

• Үнэт цаасны арилжааны дэлгэрэнгүй мэдээллийг энд дарж үзнэ үү. 

• Уул уурхайн бүтээгдэхүүний арилжааны дэлгэрэнгүй мэдээллийг энд дарж үзнэ үү.

МОНГОЛЫН ХӨРӨНГИЙН БИРЖ