“Монголын хөрөнгийн бирж” ХК-ийн 2026 оны 09 дүгээр сарын 04-ний өдрийн 10:00 цагт зохион байгуулагдсан 2910 дугаартай уул уурхайн бүтээгдэхүүний арилжааны үеэр системийн аюулгүй, тогтвортой ажиллагааг хангах зориулалт бүхий хамгаалалтын механизм автоматаар идэвхжиж, арилжаанд оролцогчийн системд хандах боломж түр хугацаанд хязгаарлагдсан нөхцөл байдал үүссэн.
Иймд арилжаанд оролцогчдын эрх ашгийг хангах, арилжааг тэгш, шударга нөхцөлөөр зохион байгуулах зорилгоор 2910 дугаартай “Эрдэнэс Тавантолгой” ХК-ийн 10 багц, нийт 64,000 тонн дэгдэмхий бодис дунд, коксжих нүүрсний арилжааг анхны нөхцөлийг өөрчлөхгүйгээр 2026 оны 09 дүгээр сарын 07-ны өдрийн 15:00 цагт дахин зохион байгуулахаар болсныг үүгээр мэдэгдэж байна.
МОНГОЛЫН ХӨРӨНГИЙН БИРЖ