Монголын Хөрөнгийн Биржийн (МХБ) Гүйцэтгэх захирлын үүргийг түр орлон гүйцэтгэгч Д.Мөнхбат, Hanwha Investment&Securities компанийн төлөөллүүдийг хүлээн авч уулзаж цаашдын хамтын ажиллагааны боломжуудын талаар харилцан тохиролцлоо.

Уулзалтын үеэр Монголын хөрөнгийн биржээс дотоодын зах зээлийн тоймыг танилцуулж, олон улсын хөрөнгө оруулагчдын оролцоо, шинээр нэвтрүүлж буй бүтээгдэхүүн, үйлчилгээ мөн төрийн эзэмшлийн компаниудыг биржээр дамжуулан олон нийтийн болгох УИХ, Засгийн газрын бодлого шийдвэрүүдийг танилцуулсан бол Hanwha Investment&Securities өөрийн олон улсын санхүүгийн үйл ажиллагаа болон дижитал болон блокчэйн чиглэлд баримталж буй бодлого, хөгжүүлэлтийн үр дүнгээ танилцууллаа.

Талууд мөн Монголын дижитал хөрөнгийн зохицуулах орчин, сэндбокс хүрээнд хөгжиж буй блокчэйн технологийн хэрэглээ, зах зээлийн хяналт, ил тод байдлын ач холбогдлын талаар харилцан санал солилцлоо.

МОНГОЛЫН ХӨРӨНГИЙН БИРЖ