Санхүүгийн зохицуулах хорооны эрх зүйн байдлын тухай хуулийн 6 дугаар зүйлийн 6.1.1, 6.2.2, Үнэт цаасны зах зээлийн тухай хуулийн 87 дугаар зүйлийн 87.5 болон Санхүүгийн зохицуулах хорооны 2019 оны 51 дүгээр тогтоолоор баталсан "Үнэт цаасны брокер, дилер, андеррайтерийн үйл ажиллагаа эрхлэх этгээдэд онцгой нөхцөл байдал үүссэн тохиолдолд авах арга хэмжээний тухай журам"-ын 4.1 дэх хэсгийг тус тус үндэслэн дараах шийдвэр гарсан байна. Үүнд:

Санхүүгийн зохицуулах хорооны 2026 оны 4 дүгээр сарын 09-ний өдрийн 125 тоот тогтоолоор Үнэт цаасны зах зээлд зохицуулалттай үйл ажиллагаа эрхлэх тусгай зөвшөөрөл нь цуцлагдсан "Евразиа капитал холдинг ҮЦК" ХК-ний харилцагчдын дансыг "Голомт капитал ҮЦК" ХХК-д шилжүүлэхээр шийдвэрлэсэн байна.

Харин өнгөрсөн хугацаанд "Евразиа капитал холдинг ҮЦК" ХК харилцагчдын мэдээллийг албан ёсоор шилжүүлээгүй тул "Голомт капитал ҮЦК" ХХК-иас "Үнэт цаасны төвлөрсөн хадгаламжийн төв" ХХК-тай хамтран харилцагчдыг шилжүүлэн авч, үнэт цаасны данс нээх үйл ажиллагааг гүйцэтгэж байгааг мэдэгдлээ.

МОНГОЛЫН ХӨРӨНГИЙН БИРЖ