“Монголын хөрөнгийн бирж” ХК, Төрийн өмчийн бодлого зохицуулалтын газартай хамтран Төрийн өмчийн компаниудын засаглалыг сайжруулах, үйл ажиллагааг үр ашигтай, нээлттэй ил тод, олон нийтийн компани болгох төр засгийн бодлогыг хэрэгжүүлэх чиглэл хамтран ажиллаж байгаа билээ. Энэхүү хамтын ажиллагааны хүрээнд төрийн өмчит компаниудын Төлөөлөн удирдах зөвлөлийн гишүүд, ТУЗ-ийн Нарийн бичгийн дарга нарт үнэт цаасны зах зээлийн үндсэн ойлголт, бүтээгдэхүүн үйлчилгээ, зах зээлийн бүтэц зохион байгуулалт, мэргэжлийн оролцогчид болон үнэт цаас гаргах үйл ажиллагаа, үүргийн хэрэгжилтийг хэрхэн хангах талаар сургалт семинарыг зохион байгууллаа. 

Сургалтад Төрийн өмчийн бодлого зохицуулалтын газар, "Эрдэнэс Монгол" ХХК, Эрдэнэс тавантолгой" ХК, "Үндэсний давхар даатгал" ХК, ДЭЦ-4 ТӨХК, Авто тээврийн үндэсний төв" ТӨҮГ, "Монголын төмөр зам" ТӨХК, "Эрчис Ойл" ХХК зэрэг 10 гаруй байгууллагын 20 орчим төлөөлөл оролцлоо.

Төрийн өмчийн бодлого зохицуулалтын газраас   Төрийн болон орон нутгийн өмчит компанийн бүтээмж, ил тод байдал, засаглалыг сайжруулах тухай хуулийн төсөл -ийг Улсын их хуралд өргөн барьж хэлэлцүүлж байгаа бөгөөд энэ хууль батлагдсаны дараа төрийн өмчит компаниудыг биржээр дамжуулан нээлттэй хувьцаат компани болгох үйл ажиллагааг эхлүүлэхээр төлөвлөж байна.

МОНГОЛЫН ХӨРӨНГИЙН БИРЖ