"ХасБанк" ХК нь Компанийн тухай хуулийн 46 дугаар зүйлийн 46.1 дэх хэсэг, банкны дүрмийн 8.6 дахь заалт болон Төлөөлөн Удирдах Зөвлөлийн 2025 оны 08 дугаар сарын 21-ний өдрийн R-2025-29 тогтоол болон Монголбанк 2025 оны 10 дугаар сарын 06-ны өдрийн зөвшөөрлийн дагуу компанийн 2025 оны эхний хагас жилийн ашгаас нэгж хувьцаанд 18 төгрөг (арван найман төгрөг) байхаар тогтоон, ногдол ашиг хуваарилахаа мэдэгдлээ.

Банкны Төлөөлөн удирдах зөвлөл хувьцаа эзэмшигчдийн ээлжит бус хурлыг 2025 оны 09 дүгээр сарын 18-ны өдрөөс 10 дугаар сарын 10-ны өдрийн хооронд эчнээ санал хураалтын аргаар зохион байгуулж, ногдол ашиг зарлан хуваарилах асуудал дэмжигдвэл, тус хуралд оролцох эрхтэй хувьцаа эзэмшигчдийн нэрсийн жагсаалтыг гаргах бүртгэлийн өдөр буюу 2025 оны 09 дүгээр сарын 15-ны өдрөөр "ХасБанк" ХК-ийн хувьцааг эзэмшиж буй хувьцаа эзэмшигчид ногдол ашиг хуваарилна.

Ногдол ашгийг хувьцаа эзэмшигчдийн хурлын  шийдвэр гарснаас хойш 7 хоногийн дотор "Үнэт цаасны төвлөрсөн хадгаламжийн төв" ХХК дахь дансанд байршуулна.

Дэлгэрэнгүй мэдээллийг энд дарж үзнэ үү.

МОНГОЛЫН ХӨРӨНГИЙН БИРЖ