"Богд банк" ХК Компанийн тухай хуулийн 46, 47,76 дугаар зүйлийн 76.1.12 дахь заалт, 80 дугаар зүйлийн 80.6, Банкны тухай хуулийн 35 дугаар зүйлийн 35.3 Богд банкны дүрмийн 8 дугаар зүйлийн 8.14.10 дахь заалтыг үндэслэн банкны Төлөөлөн удирдах зөвлөлийн 2025 оны 02 дугаар сарын 18-ны өдрийн №25/17 дугаар тогтоолоор "Богд банк" ХК-ийн 2024 оны 2-р хагас жилийн урьдчилсан байдлаарх татварын дараах цэвэр ашиг 25,156,527,760.73 төгрөгийн 20 хувь болох 5,031,305,552.15 төгрөгийг нийт эргэлтэд байгаа хувьцаанд тооцон, нэгж хувьцаанд 4.00 төгрөгийн ногдол ашгийг мөнгөн хэлбэрээр хуваарилахаар шийдвэрлэжээ.

Ногдол ашиг авах эрхтэй компанийн хувьцаа эзэмшигчдийн нэрсийн жагсаалт гаргах бүртгэлийн өдрийг хувьцаа эзэмшигчдийн ээлжит хурлын бүртгэлийн өдөр буюу 2025 оны 03 дугаар сарын 12-ны өдрөөр тогтоон, Монголбанкны зөвшөөрлийг хүлээн авснаас хойш 5 хоногийн дотор ногдол ашгийг "Үнэт цаасны төвлөрсөн хадгаламжийн төв" ХХК-иар дамжуулж хувьцаа эзэмшигчдийн дансанд байршуулахаар шийдвэрлэсэн байна.

Дэлгэрэнгүй мэдээллийг энд дарж үзнэ үү.

МОНГОЛЫН ХӨРӨНГИЙН БИРЖ