“Жуулчин дюти фрий" ХК-ийн үйл ажиллагаа эрхэлж байсан нийт хугацаанд хуримтлагдсан ашгийн хэмжээ 2023 оны 12 дугаар сарын 31-ний өдрийн байдлаар 2,978,330,266 төгрөгт хүрсэн байна.
Тус компанийн Төлөөлөн Удирдах Зөвлөлийн 2024 оны 05 дугаар сарын 08-ны өдрийн ТУ32024-03/05 тоот тогтоолоор компанийн нийт хуримтлагдсан ашгаас нэгж хувьцаанд ногдох хэмжээг 30,600 /гучин мянга зургаан зуун/ төгрөгөөр тооцож, нийт 2,000,077,200 /хоёр тэрбум далан долоон мянга хоёр зуу/ төгрөгийг хувьцаа эзэмшигчдэд ногдол ашиг болгон мөнгөн хэлбэрээр хуваарилахаар шийдвэрлэжээ.
Ногдол ашиг авах эрхтэй хувьцаа эзэмшигчдийн нэрсийн жагсаалт гаргах бүртгэлийн өдрийг 2024 оны 05 дугаар сарын 15-ны өдрөөр тогтоон, ногдол ашгийг 2024 оны 05 дугаар сарын 31-ны өдрийн дотор "ҮЦТХТ" ХХК-иар дамжуулан олгохоо мэдэгдлээ.
МОНГОЛЫН ХӨРӨНГИЙН БИРЖ