“Монголын хөрөнгийн бирж” ХК-ийн нэгдүгээр ангилалд бүртгэлтэй “Талх Чихэр” ХК-ийн Маркетингийн менежер Б.Амаржаргал 08 дугаар сарын 21-ний өдөр 2023 оны эхний хагас жилийн үйл ажиллагааны тайлан, санхүүгийн үр дүнгээ танилцууллаа.

Тайлант хугацаанд:

• “Талх Чихэр” ХК нь 2023 оны эхний хагас жилд 59,7 тэрбум төгрөгийн борлуулалт хийж, орлого урьд оны энэ үеэс 15.1 тэрбум төгрөгөөр буюу 25.3%-р өссөн.

• Татвар төлөх өмнөх ашиг 2,3 тэрбум төгрөг буюу 73,5% өссөн бол цэвэр ашиг 2,1 тэрбум төгрөг буюу 75,5% өссөн.

• Улсын төсөвт 584,7 сая төгрөг буюу 58,3% орлогын албан татвар төвлөрүүлсэн.

Онцлох үйл явдал:

• FSSC 22000 – Хүнсний аюулгүй байдлын баталгаажуулалтын иж бүрэн тогтолцооны стандартыг үйл ажиллагаандаа хэрэгжүүл, сертификат авсан.

• ISO 45001:2018 стандартын баталгаажуулалт, аудит хийлгэнэ.

• Ажилчдын эрүүл мэнд, аюулгүй байдал, орчин нөхцөлийг сайжруулан, мэргэжлийн байгууллагаар Хөдөлмөрийн нөхцөлийн үнэлгээ хийлгэж, холбогдох төлөвлөгөөг хэрэгжүүлэн ажиллаж байна.

• 2023 оны 05-р сарын 20-ноос 29-ний хооронд 12 хүний бүрэлдэхүүнтэй Шанхайн үзэсгэлэн “Bakery China”-д оролцож, бүтээгдэхүүний хөгжүүлэлт, тоног төхөөрөмж, өнөөгийн чиг хандлага, түүхий эдийн чанарыг сайжруулах, бүтээгдэхүүний шинэлэг байдлыг алдагдуулахгүй сав баглаа боодлыг судалж, энэхүү чиглэлийн ханган нийлүүлэгч байгууллагуудтай гэрээ хийж, хамтран ажиллахаар боллоо.

• Итали, БНХАУ-ын дэвшилтэт тоног төхөөрөмж үйлдвэрлэдэг байгууллагуудтай хамтарч, туршилт судалгаа хийн, тоног төхөөрөмжийн шинэчлэлт сайжруулалтын ажлыг гүйцэтгэв.

• Төлөвлөгөөт зорилтыг ханган биелүүлэхийн тулд Итали улсын Риминий хотод “Siger”- үзэсгэлэнд 2022.01-01/31-нд 9 хүний бүрэлдэхүүнтэй оролцож, Cepi ,Costal, Beor, Daxher зэрэг байгууллагуудтай уулзалт зохион байгуулж, үйлдвэрлэлийн үйл ажиллагаатай танилцан, сургалтад хамрагдаж Costal , Beor–р байгууллагатай хамтын ажиллагааны гэрээ хэлэлцээр, тоног төхөөрөмжийн захиалга хийгдсэн.

Дэлгэрэнгүй тайлантай энд дарж танилцана уу.

Шууд дамжуулалтыг эндээс хүлээн авч үзнэ үү.

МОНГОЛЫН ХӨРӨНГИЙН БИРЖ