“Монголын хөрөнгийн бирж” ХК-ийн ТОП-20 I ангилалд бүртгэлтэй “ХААН Банк” ХК-ийн Гүйцэтгэх захирал Р.Мөнхтуяа 08 дугаар сарын 11-ний өдөр 2023 оны эхний хагас жилийн үйл ажиллагааны тайлан, санхүүгийн үр дүнгээ танилцууллаа.

Онцлох үйл явдал:

• Нэгдүгээр зэрэглэлийн өөрийн хөрөнгийн харьцаа 16,8%, хөрвөх чадварын харьцаа 42,6%, активын өгөөж 3,5%, өөрийн хөрөнгийн өгөөж 32,7%, чанаргүй зээлийн харьцаа 5.2%, зээл депозитын харьцаа 67,7%-д тус тус хүрч, 2023 оны эхний хагас жилд 272 тэрбум төгрөгийн цэвэр ашигтай ажилласан.

• Харилцагчид суурилсан 11 төрлийн шинэ бүтээгдэхүүн үйлчилгээ, 6 төрлийн аян, урамшуулалт хөтөлбөрийг хэрэгжүүлж, харилцагчдын тоо оны эцсээс өсч, цахим сувгийн идэвхтэй хэрэглээ 52%-д хүрсэн. Банк доторх гүйлгээний хураамжийг 50% бууруулсан.

• “Чанаргүй активыг бууруулах стратеги 2023-2027”, “Банкыг тогтворжуулах төлөвлөгөө” боловсруулан, гүйцэтгэлийг хянаж, үнэлгээний аргачлалыг олон улсын жишиг, зарчимд нийцүүлэх зорилгоор Базел стандартын Бүлэг-2-ын аргачлалуудыг нэвтрүүлэхээр ажиллаж байна.

• Системийн бэлэн байдлыг 99.9% хангаж, онлайн зээл олголтын тоо 2 дахин нэмэгдэн, эхний хагас жилд давхардсан тоогоор 1.4 сая олголт хийгдсэн. Нийт зээлийн багцын 21.4%-ийг онлайн зээл эзэлж байна.

• ХААН Банк 2023 оны 4-р сард нээлттэй хувьцаат компани болж, 6-р сарын 24-нд хувьцаа эзэмшигчдийн ээлжит бус хурлыг зохион байгуулав. Банкны ажилтнуудад зориулсан хайбрид оффис, смарт оффис төслүүдийг амжилттай хэрэгжүүлж байна.

• ХААН Банк 2023 онд 60 сая ам.долларын анхны ногоон бондыг олон улсын зах зээлд гаргасан ба 2023 оны 6-р сард 30 сая ам.долларын дотоодын ногоон бондын хөтөлбөр хэрэгжүүлэх зөвшөөрөл авсан.

• “Хамгийн идэвхтэй аккредитив нээгч банк”-аар 13 дахь жилдээ шалгарсан.

• “ТОП-100 аж ахуйн нэгж”-ийн 2 дугаарт эрэмбэлэгдсэн.

• ЕСБХБ-наас зээлийн эрсдэлийг хуваалцах хөтөлбөрийн хэмжээг 20 сая ам.доллар болгон нэмэгдүүлэв.

• “Шилдэг ТоС байгууллага”-аар 2 дахь жилдээ шалгарсан.

• Олон улсын стандартын ISO 9001:2015, ISO 10002:2018 гэрчилгээ авсан.

• Бизнес эрхлэгч эмэгтэйчүүдийг дэмжих зорилгоор ЕСБХБ-нааaс 20 сая ам.долларын санхүүжилт татсан.

• БНСУ-ын Шинхан банктай хамтран ажиллах санамж бичиг байгуулсан.

Дэлгэрэнгүй тайлантай энд дарж танилцана уу.

Шууд дамжуулалтыг эндээс хүлээн авч үзнэ үү.

МОНГОЛЫН ХӨРӨНГИЙН БИРЖ