“Монголын хөрөнгийн бирж” ХК-ийн нэгдүгээр ангилалд бүртгэлтэй “БиДиСЕК ҮЦК” ХК-ийн гүйцэтгэх захирал Б.Лхагвадорж 2023 оны 08 дугаар сарын 07-ний өдөр 2023 оны эхний хагас жилийн үйл ажиллагааны тайлан, санхүүгийн үр дүнгээ танилцууллаа.
Тайлант хугацаанд:
- 2023 оны эхний хагас жилд нийт хөрөнгийн хэмжээ 45.1 тэрбум төгрөгт хүрч, 2022 оны эхний хагас жилээс 93%-иар өссөн үзүүлэлттэй.
- Нийт орлогын хэмжээ өмнөх оны мөн үеэс 3.6 дахин өсч 5.6 тэрбум төгрөгт хүрсэн ба тайлант хугацаанд 466.8 сая төгрөгийн цэвэр ашигтай ажилласан байна.
"БиДиСЕК ҮЦК" ХК-ийн брокер болон андеррайтерийн үйл ажиллагааны хүрээнд хийж гүйцэтгэсэн онцлох ажлууд:
- Үнэт цаасны арилжааны хувьд 2023 оны эхний хагас жилд нийт 334.5 тэрбум төгрөгийн арилжаа хийж гүйцэтгэсэн нь МХБ-ийн нийт арилжааны 32.6%-ийг дангаар эзэлжээ.
- Монголын банкны системд нөлөө бүхий хамгийн том арилжааны банк болох “ХААН Банк” ХК-ийн анхдагч зах зээлийн арилжааг амжилттай зохион байгуулж, 183.4 тэрбум төгрөгийг татан төвлөрүүлсэн.
- Монгол улсад давхар даатгалын үйл ажиллагаа явуулдаг цор ганц даатгалын байгууллага болох “Үндэсний давхар даатгал” ХК-ийн нийтэд санал болгох үнэт цаасыг нийтэд санал болгон гаргах зөвшөөрлийг авсан.
- 1991 оноос тасралтгүй 30 гаруй жил тогтмол үйл ажиллагаа явуулж буй Монголын томоохон хэвлэлийн үйлдвэр болох “Мөнхийн үсэг” ХХК-ийн хаалттай бондыг биржийн бус зах зээлд гаргаж, 3 тэрбум төгрөгийг амжилттай татан төвлөрүүлсэн.
- Монголын хамгийн том арилжааны банк болох “ХААН Банк” ХК-ийн гаргаж буй 30 сая ам.долларын үнийн дүн бүхий Монголын анхны ногоон бондыг гаргах зөвшөөрлийг авсан байна.
Дэлгэрэнгүй тайлантай энд дарж танилцана уу.
Шууд дамжуулалтыг эндээс хүлээн авч үзнэ үү.