“Монголын хөрөнгийн бирж” ХК-ийн Төлөөлөн удирдах зөвлөлийн 2023 оны 05 дугаар сарын 19-ний өдрийн 14 тоот тогтоолын дагуу Хувьцаа эзэмшигчдийн ээлжит бус хурлыг 2023 оны 06 дугаар сарын 30-ны өдөр зарлан хуралдуулсан.

Ээлжит бус хурлаас Хяналтын зөвлөлийн гишүүд, Төлөөлөн удирдах зөвлөлийн ердийн гишүүд, Төлөөлөн удирдах зөвлөлийн хараат бус гишүүдийг тус тус сонгосон юм.

Харин өнөөдөр (2023-07-07) тус бүрэлдэхүүн 100%-ийн ирцтэй анхны хурлаа хийсэн бөгөөд, МУБИС-ийн Санхүү, хөрөнгө оруулалтын газрын дарга Д.Тогтохбаяр дийлэнх олонхийн саналыг авч Төлөөлөн удирдах зөвлөлийн даргаар сонгогдлоо.

Тэрээр 2007 онд ШУТИС-ийн Бизнесийн удирдлага, хүмүүнлэгийн сургуулийг Санхүү, менежмент /Бакалавр/, 2013 онд Удирдлагын академийг Төрийн удирдлага /Магистр/ мэргэжлээр тус тус дүүргэсэн байна.
 
Ажлын гараагаа 2007 онд "Монголын хөрөнгийн бирж" ТӨХК-ийн мэргэжилтнээр эхэлж Ахлах мэргэжилтэн, Албаны захирал, Газрын захирал хүртлээ өсөн дэвшиж ажиллаж байжээ.

МОНГОЛЫН ХӨРӨНГИЙН БИРЖ