Хурлын ирцийн тухай
Компанийн тухай хуулийн 69.1-ийн дагуу Тооллогын комиссын шийдвэрийг үндэслэн “Гүн Галуут” нээлттэй ХК-ийн Хувьцаа эзэмшигчдийн 2013 оны 07 дугаар сарын 06-ны өдрийн ээлжит бус хурлыг хүчин төгөлдөр гэж тооцсугай.
ХУРЛЫН ДАРГА Ш.МӨНХБАТ
Зөвшөөрсөн: 100
Татгалзсан: 0
Түтгэлзсэн: 0
Төлөөлөн Удирдах Зөвлөлийн гишүүдийг сонгох тухай
Монгол Улсын Компанийн тухай хуулийн 62 дугаар зүйлийн 1.7-р заалт, 75.4-р зүйлийг тус тус удирдлага болгон “Гүн Галуут” нээлттэй ХК-ийн 2013 оны 07 дугаар сарын 06-ны өдрийн Хувьцаа эзэмшигчдийн ээлжит бус хуралд оролцож байгаа саналын эрх бүхий хувьцаа эзэмшигчдийн нэр дэвшигчдийн төлөө өгсөн саналын эрхийн тоог үндэслэн ТОГТООХ НЬ:
Нэг. “Гүн Галуут” нээлттэй ХК-ийн Төлөөлөн Удирдах Зөвлөлийн ердийн болон хараат бус гишүүдээр олонхийн санал авсан доорхи нэр бүхий хүмүүсийг сонгож баталсугай. Үүнд:
Нэг. Ердийн гишүүдэд:
1. Шагдар овогтой Мөнхбат
2. Даваадорж овогтой Энхсүлд
3. Шагдар овогтой Жаргалсайхан
4. Загар овогтой Түмэндэлгэр
5. Банзрагч овогтой Батчулуун
6. Шагдар овогтой Энхтөгс
Хоёр. Хараат бус гишүүдэд:
1. Үүрцайх овогтой Сарангэрэл
2. Отгонсүрэн овогтой Мөнхбат
3. Пүрэвдорж овогтой Гантөгс
Хоёр. “Гүн Галуут” нээлттэй ХК-ийн Төлөөлөн Удирдах Зөвлөлийн хуучин гишүүдийн бүрэн эрхийг 2013 оны 07 дугаар сарын 06-ны өдрөөс эхлэн дуусгавар болгосугай.
Гурав. Компанийн тухай хуульд заасны дагуу ТУЗ-ийн дарга, нарийн бичгийн дарга нарыг сонгох, ТУЗ-ийн дэргэдэх Хороодыг байгуулахыг шинээр сонгогдсон ТУЗ-д үүрэг болгосугай.
ХУРЛЫН ДАРГА Ш.МӨНХБАТ
Зөвшөөрсөн: 100
Татгалзсан: 0
Түтгэлзсэн: 0
Компанийн дүрмийн шинэчилсэн найруулгыг батлах тухай
Компанийн тухай хуулийн 17.1-р заалтыг удирдлага болгон “Гүн Галуут” нээлттэй ХК-ийн Хувьцаа эзэмшигчдийн 2013 оны 07 дугаар сарын 06-ны өдрийн ээлжит бус хурлын тооллогын комиссын шийдвэрийг үндэслэн ТОГТООХ нь:
Компанийн дүрмийн шинэчилсэн найруулгыг хавсралтаар баталсугай.
ХУРЛЫН ДАРГА Ш.МӨНХБАТ
Зөвшөөрсөн: 100
Татгалзсан: 0
Түтгэлзсэн: 0
Компанийн хэлбэрийг өөрчлөх тухай
Компанийн тухай хуулийн 18.1, 23.2 дугаар зүйлийг удирдлага болгон “Гүн Галуут” нээлттэй ХК-ийн Хувьцаа эзэмшигчдийн 2013 оны 07 дугаар сарын 06-ний өдрийн ээлжит бус хурлын тооллогын комиссын шийдвэрийг үндэслэн ТОГТООХ нь:
1. “Гүн Галуут” Хувьцаат Компанийн хэлбэрийг өөрчлөн хязгаарлагдмал хариуцлагатай компани болгон өөрчлөн байгуулсугай.
2. “Гүн Галуут” Хувьцаат Компанийг хязгаарлагдмал хариуцлагатай компани болгон өөрчлөх төсөл”-ийг Хавсралт №1-ээр баталсугай.
3. Өөрчлөн байгуулалтын дүнд үүсэх “Гүн Галуут” Хязгаарлагдмал Хариуцлагатай Компанийн дүрмийн төслийг Хавсралт №2-оор баталсугай.
4. Компанийг өөрчлөн байгуулахтай холбогдсон хувьцаа эзэмшигчдийн эрхийг хэрэгжүүлэх журам”-ыг Хавсралт №3-аар баталсугай.
5. Компанийг Өөрчлөн байгуулах комиссын даргаар Шагдар овогтой Мөнхбатыг, гишүүнээр Баттогтох овогтой Ганбатыг тус тус томилсугай.
6. Компанийг өөрчлөн байгуулах ажиллагааг Компанийн тухай хууль, СЗХ-ны “Нийтэд санал болгон худалдах үнэт цаасыг бүртгэх, үнэт цаасыг анхдагч зах зээл дээр санал болгох, худалдаалах тухай журам”-ын 8 дугаар зүйл, компанийг өөрчлөх төсөлд заасны дагуу хэрэгжүүлэхийг Өөрчлөн байгуулах комисст үүрэг болгосугай.
7. Тогтоол гарсантай холбогдуулан компанийг өөрчлөх шийдвэрийн эсрэг саналтай байсан болон санал хураалтад оролцоогүй хувьцаа эзэмшигчид нь өөрсдийн эзэмшлийн хувьцаагаа эргүүлэн худалдан авахыг компаниас шаардах эрх үүссэн болохыг тэмдэглэсүгэй.
8. Компанид өөрсдийн эзэмшлийн хувьцаагаа худалдан авахыг шаардах эрх үүссэн хувьцаа эзэмшигчдээс хувьцааг эргүүлэн худалдан авах зах зээлийн үнийг Компанийн тухай хуулийн 55.7–д заасны дагуу тогтоохыг шинээр сонгогдсон ТУЗ-д зөвшөөрсүгэй.
9. СЗХ-ноос компанийг өөрчлөх үйл ажиллагааг үргэлжлүүлэхийг зөвшөөрсөн тохиолдолд хувьцаа эзэмшигчдэд энэхүү тогтоолын 7-д заасан эрх болон хувьцааг эргүүлэн худалдан авах үнийн тухай холбогдох хууль, журмын дагуу мэдэгдэхийг Өөрчлөн байгуулах комисст даалгасугай.
ХУРЛЫН ДАРГА Ш.МӨНХБАТ
Зөвшөөрсөн: 100
Татгалзсан: 0
Түтгэлзсэн: 0
