Монголын хөрөнгийн бирж ТӨХК-ийн Гүйцэтгэх захирал Д.Ангар болон Монголын геологи, уул уурхайн мэргэжлийн институтын ерөнхийлөгч Б.Дамба нар Харилцан ойлголцлын санамж бичигт гарын үсэг зурлаа. Уг арга хэмжээнд Төрийн захиргааны удирдлагын газрын дарга Ч.Түмэнбаяр, Уул уурхайн сайдын зөвлөх Д.Бат-Эрдэнэ, Монголын геологи, уул уурхайн мэргэжлийн институтын гүйцэтгэх захирал Б.Оюунгэрэл болон удирдах зөвлөлийн гишүүд, гишүүн байгууллагуудын төлөөлөл нар оролцлоо.
Энэхүү санамж бичгийн зорилго нь олон улсад хүлээн зөвшөөрөгдсөн уул уурхайн нөөц үнэлгээний үндэсний  стандартыг МХБ-д бүртгэлтэй ХК-иудад нэвтрүүлэхэд оршино. МХБ энэхүү  стандартыг хэрэгжүүлсэнээр биржид бүртгэлтэй уул уурхайн  компаниудын нөөц нэгдсэн стандарттай,  ил тод болж хөрөнгө оруулагчдыг татах нөгөөтэйгүүр тухайн компаниуд гадны биржүүдэд хүлээн зөвшөөрөгдөж давхар бүртгэлээр хөрөнгө татан төвлөрүүлэх боломж нэмэгдэх болно.

 

Маркетинг Олон Нийттэй Харилцах Алба

МОНГОЛЫН ХӨРӨНГИЙН БИРЖ