2024 оны 04 дүгээр сарын 10-ны өдөр энгийн арилжаагаар 45 хувьцаат компанийн 688,328,480 төгрөгийн үнийн дүн бүхий 1,406,296 ширхэг хувьцаа арилжаалагдсанаас 21 компанийн хувьцааны ханш өсч, 19 компанийн хувьцааны ханш буурсан бол 5 компанийн ханш тогтвортой байлаа.

Үүнээс Силикат ХК (SIL +15.00%), Улаансан ХК (UNS +14.98%), Монгол Базальт ХК (MBW +13.84%) зэрэг компаниудын хувьцааны ханш хамгийн өндөр өсөлттэй байсан бол Ремикон ХК (RMC -7.39%), Оллоо ХК (OLL -6.13%), Премиум Нэксус ХК (CUMN -3.29%)-ийн хувьцаа хамгийн их уналттай байв.

Мөн өнөөдрийн үнэт цаасны арилжаагаар: 

• Хөрөнгө оруулалтын 2 сангийн 31,909 ширхэг нэгж эрх 7,479,488 төгрөгөөр,

• Хөрөнгөөр баталгаажсан 58,723 ширхэг үнэт цаас 3,911,081,350 төгрөгөөр тус тус арилжигдсан байна.

Уул уурхайн бүтээгдэхүүний арилжаагаар:

• "Энержи Ресурс" ХХК-ийн 3 багц 19,200 тонн баяжуулсан коксжих нүүрс 21,504,000 юань буюу 10,035,486,720 төгрөгөөр,

• “Монголросцветмет” ТӨҮГ-ын 1 багц 3,300 тонн 52%-ийн агууламжтай төмрийн хүдэр 216,150 ам.доллар буюу 729,692,139 төгрөгөөр,

• "Энержи Ресурс" ХХК-ийн 4 багц 25,600 тонн баяжуулсан дунд зэрэг үнстэй хагас хатуу коксжих нүүрс 11,008,000 юань буюу 5,137,213,440 төгрөгөөр тус тус арилжаалагдлаа.

Энэ өдөр нийт 20,509,281,617 төгрөгийн үнийн дүн бүхий арилжаа зохион байгуулав.

ТOП-20 индекс 0.75% хувиар буурч, 42,648.4 нэгж болсон бол зах зээлийн үнэлгээ 11,027,669,818,105 төгрөг боллоо. 

• Үнэт цаасны арилжааны дэлгэрэнгүй мэдээллийг энд дарж үзнэ үү.

•  Уул уурхайн бүтээгдэхүүний арилжааны дэлгэрэнгүй мэдээллийг энд дарж үзнэ үү.

МОНГОЛЫН ХӨРӨНГИЙН БИРЖ