• en
IPO

Арилжааны тайлан

Индекс

44693.58

( 105.46 0.24% )
Индекс Нэгж Өөрчлөлт
Top 20 Индекс 44693.58 105.46
MSE A Индекс 17799.4 0.15
MSE B Индекс 12207.55 27.79

Мэдээ мэдээлэл

"БИЧИЛ ЭЙ БИ ЭС ЛОЯЛТИ ТЗК"-ИЙН БИЧИЛ 3.0 ХБҮЦ-НЫ АНХДАГЧ ЗАХ ЗЭЭЛИЙН АРИЛЖААГ 2024 ОНЫ 04 ДҮГЭЭР САРЫН 02-НЫ ӨДӨР ЭХЛҮҮЛНЭ

2024-03-28 17:46:12

24 сарын хугацаатай, жилийн 18.5 хувийн хүүтэй, нэг бүр нь 100,000 /нэг зуун мянга/ төгрөгийн нэрлэсэн үнэ бүхий 200,000 /хоёр зуун мянга/ ширхэг хөрөнгөөр баталгаажсан үнэт цаасны анхдагч зах зээлийн арилжааг 2024.04.02-ны өдрөөс 2024.04.08-ны өдрийг дуустал Монголын хөрөнгийн биржийн IPO системээр дамжуулж хүлээн авна.

3-Р САРЫН 28-НЫ ӨДРИЙН АРИЛЖААНЫ МЭДЭЭ

2024-03-28 17:31:36

Энэ өдөр нийт 46,923,381,095 төгрөгийн үнийн дүн бүхий арилжаа зохион байгууллаа.

ОЮУТАН, СУРАГЧДАД ЗОРИУЛСАН НЭЭЛТТЭЙ ӨДӨРЛӨГ БОЛЛОО

2024-03-28 14:56:53

Оюутан, сурагчдад МХБ-ийн Бизнес хөгжлийн газрын захирал Т.Хаш-Эрдэнэ Монголын хөрөнгийн зах зээлийн хөгжил, өнөөгийн байдлын талаар дэлгэрэнгүй мэдээлэл өгч, чөлөөт ярилцлагаар сонирхон асуултуудад хариулт өгсөн юм.

Мэдээ мэдээлэл

“ХАМТЫН ХӨРӨНГӨ ОРУУЛАЛТЫН САНГ ҮҮСГЭН БАЙГУУЛАХ, ХАМТЫН ХӨРӨНГӨ ОРУУЛАЛТЫН САНГИЙН ҮЙЛ АЖИЛЛАГАА ЭРХЛЭХ ТУСГАЙ ЗӨВШӨӨРӨЛ ОЛГОХ ТУХАЙ ЖУРАМ”-ЫГ БАТАЛЛАА

2014-05-26 09:40:33
Санхүүгийн зохицуулах хорооны 2014 оны 05 дугаар сарын 21-ний өдрийн хуралдаанаар Үнэт цаасны зохицуулалтын хүрээнд дараах асуудлуудыг хэлэлцжээ.  
  • “Тэгш” ХК, “Алтан тариа” ХХК -иудын үнэт цаасыг бүртгэлээс хасах,
  • “БИ БИ СИ” ХХК-д хөрөнгө оруулалтын менежментийн үйл ажиллагаа эрхлэх тусгай зөвшөөрөл олгох,
  • Хорооны 2013 оны 280 дугаар тогтоолоор батлагдсан журамд өөрчлөлт оруулах,
  • “Хамтын хөрөнгө оруулалтын санг үүсгэн байгуулах, хамтын хөрөнгө оруулалтын сангийн үйл ажиллагаа эрхлэх тусгай зөвшөөрөл олгох тухай журам”-ыг тус тус баталсан байна.
“Хамтын хөрөнгө оруулалтын санг үүсгэн байгуулах, хамтын хөрөнгө оруулалтын сангийн үйл ажиллагаа эрхлэх тусгай зөвшөөрөл олгох тухай журам”-аар Монгол Улсын Их Хураас 2013 оны 10 дугаар сарын 03-ны өдөр  батлагдан 2014 оны 1 дүгээр сарын 1-ний өдрөөс мөрдөж буй Хөрөнгө оруулалтын сангийн тухай хуульд заасан хамтын хөрөнгө оруулалтын санг үүсгэн байгуулах, түүнд тусгай зөвшөөрөл олгох харилцааг зохицуулах юм.

Энэхүү журам батлагдсанаар дотоодын аж ахуйн нэгжүүд болоод хувь хүмүүс, цаашлаад гадаадын хөрөнгө оруулагчдад өөрсдийн хөрөнгийг санхүүгийн мэргэшсэн байгууллагаар дамжуулан хөрөнгө оруулалтын үйл ажиллагаанд ашиглах боломжийг олгох бүтэц буюу хөрөнгө оруулалтын санг үүсгэн байгуулах, үнэт цаасны танилцуулга бэлдэх, нийтээс татан төвлөрүүлэх зэрэг харилцааг зохицуулна.

Хөрөнгө оруулалтын сантай холбоотой зохицуулалт бий болсноор хөрөнгийн зах зээлд мэргэжлийн хөрөнгө оруулагч бий болох, улмаар уг зах зээлийн хөгжлийг дэмжих, хурдасгах замаар санхүүгийн зах зээлийн тэнцвэрт тогтолцоо бүрэлдэх боломжтой.

Нөгөө талаас хөрөнгө оруулалтын сангийн үйл ажиллагаанаас олох орлогыг татвараас чөлөөлөхөөр татварын хууль тогтоомжоор зохицуулсан нь энэ төрлийн бизнесийн үйл ажиллагаа явуулахад ихээхэн дэмжлэг болох юм

Санхүүгийн зохицуулах хорооны зүгээс мэргэжлийн хөрөнгө оруулагчдыг бий болгох, хөрөнгө оруулалтын сангийн хэлбэрүүдийг дэмжих бодлого баримталж байгаа бөгөөд энэ чиглэлийн зохицуулалтын уян хатан орчинг үүсгэх чиглэлээр ажиллаж байна.

Хөрөнгө оруулалтын сан, тэдгээрийг үүсгэн байгуулах, түүнийг удирдах менежментийн компани байгуулах болон бусад холбоотой асуудлаар Санхүүгийн зохицуулах хорооноос мэдээлэл авч ажиллах бүрэн боломжтой. Утас: (51) 261665.
 
 
Мэдээллийн алба
МОНГОЛЫН ХӨРӨНГИЙН БИРЖ